2024-2025 ikasturterako Bergarako Musika eta Dantza Eskolak matrikulazio epea zabaldu du.
Eskolaren helburuak hauek dira:
Musika eta Dantza kulturaren sustapena bere aspektu guztietan, bereziki irakaskuntzaren bitartez; batik bat praktikoa eta bereziki talde jarduerak egiteko.
Edozein adinetako zaleei musika eta dantza irakastea da. Musika-hezkuntza eta dantza, kultura-ondasun denez, herritar guztientzako eskuragarri izatea.
Bokazioa eta gaitasuna erakusten duten pertsonei ikasketa profesionalei buruzko orientabidea eta horiei ekin ahal izateko prestakuntza ematean arduratzea.
Bergarako musika entitateen: Bergarako orfeoia, Aritzeta Abesbatza, Udal Musika Banda, Udal Txistulari Banda, e.a. harrobi izatea.
Bergarako musika eskolak jorratzen dituen esparruak hauek dira: musika sinfonikoa, musika herrikoia, gaur egungo musika (rock, pop…) eta euskal dantzak
2024-2025 ikasturteari begira ondorengo ikasketak eskainiko ditu:
Aurten, musika eskaintza hainbat berrikuntzekin dator: istrumentoei dagokionez, kontrabaxua gehitu dugu.
Bestalde, Txikiendako eskaintza berrituta dator Musika eta Sormen txokoarekin.
Eta bukatzeko, eskaintza berezia prestatu dugu +55 adinekoentzat: Musikarekin gozatzen, Musika irakurketa, Taldea eta Dantza
- Suzuki Metodoa ( 3 urtetik aurrera)
- Musika eta Sormen Txokoa (5 urtetik aurrera)
- Hasiberrien Abesbatza (5 urtetik aurrera)
- Euskal Dantzak( 6 urtetik aurrera)
- Hizkuntza Musikala (7 urtetik aurrera)
- Helduentzako Hizkuntza musikala
- Musikoterapia- Musika hezkuntza berezia
- Ahotsa: kantu bakarlaria, abesbatzak (5 urtetik aurrera)
- Istrumentu sinfonikoak: bibolina, biola, biolontxeloa, oboe, flauta, klarinetea, fagot, tronpeta, tronpa, tronboia, bonbardino, tuba, saxofoia, perkusioa
- Istrumentu polifonikoak: piano, akordeoia, kitarra, organoa
- Istrumentu herrikoiak: trikitia, panderoa, txistua, alboka, dultzaina eta txalaparta.
- Istrumentu modernoak: kitarra elektrikoa, baxu elektrikoa eta bateria
Bergarako musika eskolak ikasle guztiei taldeetan parte hartzeko aukera ematen die. Horretarako honako talde hauek eskaintzen ditu:
- Abesbatzak
- Big Band
- Dantza taldea
- Fanfarrea
- Gazte Banda
- Gitarra taldea
- Helduen Talde instrumentala
- Konboak
- Orkestra sinfonikoa
- Trikiti taldea
- Txistu taldea
Talde hauen helburu nagusia klaseetan ikasitakoa praktikan jartzea, beste ikasle batzuekin batera musika egitea, disfrutatzea eta kaleratzea da.
Matrikulatzeko epea: maiatzaren 2tik ekainaren 7ra.
Idazkaritzako ordutegia: 15:30etatik 19:30era
943 76 57 80 – 679 15 45 12
idaz@bergarakomusikaeskola.com
Musikaarekin , dantzarekin, 40 urte herritik herriarentzat
